Goierriko Hitza

Alaitasuna errondaila Azkoitian

Musika Errondailak datorren urterako ekitaldi bereziak antolatu nahi ditu, 45. urteurrena beteko baitu; CDa aterako dute.

m. luki

Legazpiko Alaitasuna errondailak Azkoitiko Balda plazan emanaldia eskainiko du gaur, 22:30ean.

«Aspaldian ez gara hainbestetan Legazpitik atera», dio errondailako kide Bittor Larrazak. «Deitzen hasi zaizkigu, eta urtemugarako prestatzen ari garen grabaziorako ondo datorkigunez, gogo onez hartzen ditugu beste herri batzuetatik iristen zaizkigun gonbidapenak», jarraitu du. Datorren urtean Alaitasuna errondailak 45 urte beteko ditu, eta ekitaldi bereziak antolatuko dituzte. «CD bat prestatzen ari gara eta errepertorio bat prestatu dugunez ondo asko datorkigu kanpora kantatzera ateratzea». Gaur egun hogeita bi lagun inguruk osatzen dute Alaitasuna errondaila, eta Eli Gordoa da zuzendaria.