Goierriko Hitza

Saninazio jaietako mendi bizikleta sarirako izena eman daiteke

Jaiakðð Iaz Legazpiko Gazte Asanbladak egindako lanari esker auzoko jaiak berreskuratu zituzten.

m. Luki

Legazpiko Saninazio auzoko jaietako egitarauaren berri oraindik ez badago ere, antolatzaileek Eufemiano Iturri II. mendi bizikleta saria izango dela aurreratu dute.

Mendi bizikleta sarian parte hartu nahi dutenek izena uztailaren 28ra bitartean eman beharko dute Karibe Zaharra tabernan, Gaztetxean edo Maiatzan. Korosti mendira igo beharko dute parte-hartzailee,k Saninazioko plazatik abiatuta. Hiru lehenengoentzako garaikur bana eta guztien artean Ibargutxi Kirolak dendak jarritako materiala zozkatuko dute.

Iaz berreskuratutako jaiak

Saninazioko jaiak ez zituzten ospatu duela bi urte, festak antolatzeko jenderik ez zegoelako. Iaz Legazpiko Gazte Asanbladak hartu zuen bere gain antolakuntza ardura, eta aurten ere jaiak izango dira Saninazio auzoan.