Goierriko Hitza

ZingiZangok zozketaren sariak banatuko ditu irabazleen artean

Legazpi ðð Berripaperaren bitartez zozketa egin dute, eta irabazleen izenak jakinarazi dituzte euskara elkartekoek.

m. luki

Ekainaren hasieran ZingiZango euskaltzaleen elkarteak kaleratutako berripaperean galdera bat egin zuten, herritarren parte-hartzea sustatzeko asmoz. Galdera horren erantzuna helarazi duten legazpiarren artean zozketa egin dute, eta orain sariak banatzeko prest daude.

Jesus Mari Zumaldek jasoko du ZingiZangoren elastikoa, Itziar Soraluzek GOIERRIKO HITZAren elastikoa, eta Sagrario Etxabek GOIERRIKO HITZAren urtebeteko harpidetza, saritzat.

Sariak jasotzeko

Elastikoak egokitu zaizkienek Legazpiko Ogi-Berri okindegian jaso dezakete dagokien kamiseta. Lehiaketan jende gehiegik parte hartu ez duen arren, elkartekoak gustura daude webgunera gero eta jende gehiago sartzen delako.