Goierriko Hitza

227 haurrek hartuko dute parte etzi hasiko dituzten udako ikastaroetan

Legazpi ðð Hogeita bat begirale kontratatu ditu Legazpiko Udalak uztailean zehar haurren ardura har dezaten.

m. luki

Legazpiko Udaleko Euskara Batzordeak urtero antolatu ohi ditu udako ikastaroak, haurren artean euskararen erabilpena aisialdian sustatzeko. Etzi hasiko dituzte ikastaroak, eta 227 haurrek hartuko dute parte, bi eta bederatzi urte bitarteko haurrek.

Etzi 09:30ean hasi, eta uztailaren 24ra arte iraungo du udalekuak. Hemeretzi talde osatu dituzte: bi urteko lau talde, hiru urteko hiru, lau urtekoen beste hiru, bost urteko hiru talde, LHko 1. mailakoen bi talde, LHko 2. mailako bi talde eta LHko 3.eko beste bi.

Begiraleak

Bi eta hiru urteko haurrak Latxartegin egongo dira, Haztegi ikastolaren geletan; lau urtetik gorakoak Domingo Agirre eskolako geletan.

Hogeita bat begirale kontratatu ditu Udalak udako kanpainarako. Prestakuntza jaso dute, eta ekitaldiak antolatu dituzte.