Goierriko Hitza

CIE Automotive lantegiko langileek greba hasi dute, lan itunagatik

Legazpi ðð KPI gehi 2,5 puntuko igoera soldatan, eta 35 orduko lanaldia mantentzea eskatzen dute langileek.

m. luki

CIE Automotive enpresako «langile guztiek» grebarekin bat egin dute Legazpin, denera 350 langilek ELA sindikatuaren arabera. Lan-itunaren negozioazioa dela-eta hasi dute greba mugagabea.

Zortzi ordezkarirekin ELA da gehiengoa duen sindikatua CIE Automotiveko enpresa batzordean, LABek bi ditu, eta USO, CCOO eta UGTk denen artean bat. Llangileek lan-itunaren negoziazioan dihardute enpresarekin, eta mobilizazioak deitu dituzte «enpresaren jarrera aldarazteko».

«35 orduko lan astea langileon lorpena da, eta ezin diogu horri uko egin», azaldu du ELAk. Horrez gain, langileek enpresari egin dioten beste eskaria soldata handitzea da, KPIari %2,5 puntuko igoera egitea.