
2008-04-02 | 16:51:10
Ekonomia
Ulma taldeak Precinox enpresa inauguratu du Legazpin
12.000 metro koadroko pabiloian lantegia martxan jarri dute, Olaberria industrialdean
Ulma taldeak Precinox enpresa berria inauguratu du gaur goizean Legazpin, Olaberria industrigunean. Enpresa Ulma Packaging-ek bultzatu du, hori baita Precinox-en bezerorik garrantzitsuena. Precinox-en altzairu herdoilgaitzarekin osagaiak eta doitasun sistemak produzitzen dituzte, batik bat packaging edo paketatze sektoreari zuzenduta. 12.000 metroko pabiloia partekatzen du Precinox-ek (40 langile) Ulma Packaging-ekin Olaberria industrialdean, guztira ehun bat langile hartzen dituzte bi enpresek.
Gaur goizean egin dute lantegiaren inaugurazio ofiziala. Ekitaldian izan dira Eusko Jaurlaritzako Industria, Merkataritza eta Turismo sailburu Ana Agirre, Gipuzkoako Foru Aldundiko Mugikortasun eta Lurralde Antolamenduko diputatu Arantxa Tapia, Legazpiko alkate Sotero Plazaola, eta Ulmako eta Mondragoneko arduradunak.
Parte hartu | Zure mezua bidali
Parte hartzeko arauak
Ana Agirre industria, merkataritza eta turismo sailburua zinta mozten Precinox-en inaugurazioan
© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta: goierri@goierrikohitza.info
Internet Ehuntzen S.L.-k garatua
Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.