Goierriko Hitza

2009-07-02 | 10:41:14

Uztaila Kulturalak bihar ekingo dio bete-betean

Legazpiko elkarteek eta eragileek ekimen ugari antolatu dituzte uztailerako.

Hilabete osoan zehar, ikusentzunezkoak, gaztetxoentzako parkeak eta jaiak, ardo dastaketak edota kontzertuak egingo dituzte, eta baita tartean, Futbol 7ko II. herri Txapelketako Finala edota Lenbur Jaia. Ikatza argazkilari elkarteak ikusentzunezkoen emanaldiak antolatu ditu hilaren 3an, 10ean, 17an eta 24an. 22:30ean hasiko dira eta azokan egingo dituzte. Musikari dagokionez Skapando eta Garibaldi Mariatxia taldeak ariko dira besteak beste eta lenbur Jaia ere egingo dute, hilaren 12an.

Ez du erantzunik

2009-06-27 | 12:39:57

Bellota enpresak erreminta erabiliak jasoko ditu Burkina Fasora bidaltzeko

'Mugarik gabeko erremintak' ekimena abiarazi dute.

Legazpin lantokia duen Bellota enpresak erreminta erabiliak jasotzeko kanpaina abiarazi du, ondoren Burkina Fasora bidaltzeko helburuz. Enpresaren salmenta puntuetan kokatu dituzten 650 edukiontzietan utzi ahal izango dira erremintak, eta uztearekin batera, berri bat erosteko deskontu txartela eskuratuko da.

Ez du erantzunik

2009-06-26 | 13:58:47

Juan Ramon Larrañaga Legazpiko EAko zinegotziak bere kargua utzi du

Foru Aldundian duen karguarekin bateraezintasunak direla eta, utzi du kargua.

14 urte igaro ditu Udalean, horietatik 12 alkate karguan. Juan Ramon Larrañagak zinegotzi kargua utzi du Legazpiko udalean. Foru Aldundian duen karguarekin bateratu ezinak eraman du Larrañaga erabaki hau hartzera. Bere hitzetan, «konpromezuak ondo betetzen saiatzen naiz, eta une hauetan Madrilen aurkitzen naiz Dependentziaren Legea garatzen ari den batzorde batean. Askotan joan behar izaten dut eta oso zaila egiten zait bi konpromezuak betetzea». Larrañagaren postua Lucia Areizagak hartuko du Legazpiko Udalean.

Ez du erantzunik

2009-06-25 | 13:07:57

Adimen minusbaliotasuna duten pertsonak udal lanpostuetan sartzeko bideak aztertuko dituzte Legazpin

Atzo burutu zuten osoko Bilkuran trafiko arau hausteen ordenantzaren hasierako onarpena ere gauzatu zuten.

Udalak «adimen minusbaliotasunen bat duten pertsonak lan munduratzearen alde jarduteko interesa eta sentsibilizazioa erakutsi» nahi izan du. Legeak dioenez 50 langile baino gehiagoko enpresa publikoetan zein pribatuetan kontratatutako langileen %2ak gutxienez minusbaliotasunen bat duena izan behar du. Udalak bi lanpostu gordeko ditu adimen minusbaliotasuna duten pertsonentzako: bulegoko laguntzaile postua eta ondare publikoa berreskuratzeko peoiarena.

Ez du erantzunik

2009-06-23 | 19:46:30

Armen Alarde jendetsua

Urteroko ohiturari helduz gaur Armen Alardea egin dute Legazpin.

Gaur arratsaldean Armen Alardea ospatu dute Legazpin. Urtatza auzotik hasi dira ibilbidearekin eta tiro hotsak urrutitik entzun zitezkeen. Hiru auzoetako konpainiek hartu dute bertan parte; Urtatza, Plazaola eta Bikuña.

Ez du erantzunik

2009-06-23 | 11:14:33

Telleriarteko jaiak ospatuko dituzte gaur eta bihar

Legazpiko Telleriarte auzoan San Joan jaiak ospatuko dituzte.

Pasa den larunbatean lehn ekintzak egin bazituzten ere, gaur eta bihar egingo dituzte jaiak Legazpiko Telleriarte auzoan. Egitarau anitza antolatu dute "auzotarrentzako" eginiko jai hauetan.

Ez du erantzunik

2009-06-22 | 12:21:18

Urola ibaia osasun onean dago Brinkolazar zonaldean

Legazpiko Agenda 21eko Herritarren Foroko hainbat lagun Urola errekaren egoera aztertzen aritu ziren larunbatean.

Legazpiko Agenda21eko Herritarren Foroko hainbat lagun Brinkolazarrera joan ziren larunbatean, Urola ibaiak eremu hartan bizi duen egoera aztertzeko asmoz. Ondorio positiboa atera zuten, "errekaren egoera bikainaz gozatu genuen" azaldu dute. Uraren azterketa burutu zuten eta baita ekosistemarena ere eta zonalde honetan errekaren egoera "oso ona dela" ondorioztatu zuten, "nitratoen eta nitritoen gabeziagatik, eremu hauetan soilik egon ohi diren animaliengatik eta loreen eta landareen aniztasun handiagatik. Jaso zituzten datuak Eusko Jaurlaritzara bidali zituzten.

Ez du erantzunik

2009-06-18 | 20:35:01

Xabi Plazaolak irabazi du Oilar Jokoa

Jende asko hurbildu da Euskal Herria plazara jokoa ikustera.

Txistulariek inguraturik irabazi du gaur Xabi Plazaola legazpiar gazteak Oilar Jokoa. parte hartzaileen artean azkena izan da, baina berak eraman du, oilarraren ordez Udalak jarritako diru saria. Euskal Herria enparantza jendez bete da mendeak dituen joko hau ikusteko.

Ez du erantzunik